video

Pèzzu di scògghiu niviru
dùnni jeu mi truvài,
tantu tu mi piacisti
chi nun ti ‘bbannunài …

Mènzu a lu mari azzurru,
immènsu e trasparenti,
vagàmu senza mèta
jèu, tu, e la me’ menti.

Tu, chi lu suli domina
da’ sira a la matìna.
Tu, chi lu vèntu eccita
cu odùri e ti trascina,

si’ comu perla nivira,
vistuta sempri a festa,
e palpiti, e ti dondoli,
dintra la to’ furèsta.

Lu sònnu di picciòtta
luntanu si nni jiu,
vulàu, ma turnàu sùbbitu
di d’unni si partìu.

Vitti li maravigghi,
giràu lu munnu sànu …
ma nun pòtti resistiri
e vinni a lu to’ chianu.

Quantu tramunti vèstinu
lu nìviru di russu,
quantu vòti la luna
fa pàriri ‘u to’ lussu.

E ‘u mari calmu vàsa
cu rispettu li petri,
e si ci su’ tempesti
li to’ scugghièri ‘mmèsti.

E all’alba ciavurùsa
t’illumini di rosa,
e dùni sicurezza
a cu, ‘ncasa, riposa.

Nun regninu ‘unni tìa
sicàri e delinquènti,
e passano tranquilli
li jòrna da’ to’ ggenti.

E puru si ritarda
a vèniri ‘u “progressu” …
sàrvi vita sirena,
e ‘lluntani ogni “eccessu”

 

Leggila in Italiano

Altre Poesie

Ti potrebbero interessare ...

ISCRIVITI ALLA NEWSLETTER

    Lascia un commento

    Il tuo indirizzo email non sarà pubblicato. I campi obbligatori sono contrassegnati *