video

Occhi nall’occhi
un mumentu si guardaru
e li pensieri
l’unu all’autru dedicaru.

Turnari ancora a vidisi
fu ‘u sulu desideriu
di tutti dui chi ‘ntisiru
‘ddru messaggiu sinceru.

E chiddru chi si dissiru
quasi si lu scurdàru,
e duci sensazioni
nall’anima ‘mmucciàru.

E quannu si rivittiru
trimàru dintra a ‘u cori
e l’occhi, chi su ‘u specchiu,
mustraru tantu amuri.

E stari manu, manu,
li porta ‘mparadiso,
e presto si capiscinu
basta un sulu surrisu.

Passànu la jurrnata
‘nta naùtra dimensione
e restinu luntani
dall’autri pirsuni.

E cunta sulu ‘u tempu
passatu a stare assemi
e chiddru sulu spettìnu
p’àviri e dari beni.

E a notti, poi, ripensànu
a tutti ‘ddri mumenti,
e dormunu e si sonnanu
e campànu cuntenti.

‘A gioia di ‘ddri attimi
di tuttu fa scurdàri,
e nun si pensa propriu
a ‘i lacrimi chiù amari.

Certu chi su’ ‘n’incantu,
puru si ‘un ci su’ chiù
e a ‘u cori sempri portìnu
un pocu ‘i giuvintù

Leggila in Italiano

Altre Poesie

Ti potrebbero interessare ...

ISCRIVITI ALLA NEWSLETTER

    Lascia un commento

    Il tuo indirizzo email non sarà pubblicato. I campi obbligatori sono contrassegnati *