video

Chinu d’onùri sugnu,
riveritu e protettu;
passu di lu casciùni
‘ntà li manu e lu ghiacchèttu.

Vòlu terri e paìsi,
sàtu puru li cordi,
e sugnu jèu chi fazzu
vìdiri puru l’òrbi!

Tutti mi vònnu e cèrchinu:
gghiùvini, e maritàti,
schètti, lassàti, e zziti,
làṭṛi, onesti, e suliàti:

tutti ‘ntà chistu mùnnu
di mia nun fannu a mmènu,
e si mi saputiscìnu …
nun sànnu dari un frènu.

La me’ luçi nun ‘ccàbba
l’occhiu c’àva guardàri,
e cu mmia si puddèdinu
li casi, ‘i munti, ‘u mari.

Jé sùlu sùgnu ‘u Re
d’ogni gàna chi aviti,
e viàtri, pi’ pussèdimi,
l’anima vi vinniti!

 

Leggila in Italiano

Altre Poesie

Ti potrebbero interessare ...

ISCRIVITI ALLA NEWSLETTER

    Lascia un commento

    Il tuo indirizzo email non sarà pubblicato. I campi obbligatori sono contrassegnati *